Bashkia Dibër ka vijuar edhe sot operacionin humanitar të shpërndarjes së ndihmave për familjet në nevojë. Kryetari i bashkisë Dibër, Dionis Imeraj tha se janë shpërndarë 117 pako ushqimore gjatë kësaj jave. “Në Kala të Dodës u rikthyem pranë 20 familjeve në nevojë për t’i mbështetur me nevojat ushqimore bazike”” tha ai. Po ashtu Imeraj tha se “gjatë kësaj jave ndihmuam 97 familje në vështirësi ekonomike dhe të moshuar të vetmuar me paketa ushqimore dhe shërbime sipas nevojave”. Kryetari i bashkisë Dibër, Imeraj tha se operacioni i ndihmave në shërbim të qytetarëve në nevojë nuk do ndalohet deri në mbarim të luftës.
