Po zhvillohet në këto momente dita e dytë e Kongresit zgjedhor të Partisë Socialiste.
Gjatë kësaj mbledhjeje pritet të ketë diskutime me tema si rindërtimi pas tërmetit, pakti për Universitetin, drejtësia, energjia, turizmi, legalizimet dhe integrimi evropian.
Kongresi do të ndahet në 3 pjesë. Pjesa e dytë nis në orën 12 me dy raporte:
Raporti i Komisionit të Verifikimit të Mandateve, Kryetari i Komisionit nga Shpëtim Cami dhe raport mbi gjendjen e strukturave të PS, Sekretari Organizativ dhe i Koordinimit Elektoral të PS, Arben Pëllumbi.
Më tej, sekretari për Koordinimin e Këshillave të Rajoneve në PS, Ilir Beqaj do të bëjë prezantimin e programit “Shqipëria që duam 2030”.
Ndërsa, deputeti Alket Hyseni do të bëjë prezantimin e ndryshimeve dhe përmirësimeve në Statutin e Partisë.
Sekretari i Përgjithshëm i PS, Taulant Balla që do të prezantojë axhendën politike të PS, deri në qershor 2021.
Seanca e tretë nis me organizimi i procesit të votimit dhe numërimit të votave për zgjedhjen e anëtarëve të Asamblesë Kombëtare dhe të Komisionit të Garancive Statutore dhe Etikës të partisë.
