Categories Lajme

Dita Ndërkombëtare e Romëve, Manastirliu: Në fokus punësimi dhe integrimi i komunitetit Rom

Në Ditën Ndërkombëtare të Romëve, në Ministrinë e Shëndetësisë dhe Mbrojtjes Sociale, është mbajtur një aktivitet ku ka marrë pjesë Ministrja e Shëndetësisë dhe Mbrojtjes, Sociale, Ogerta Manastirliu, përfaqësues të komunitetit Rom, përfaqësues të organizatave dhe shoqërisë civile.

Në fjalën e saj, Ministrja Manastirliu vuri theksin tek fuqizimi i komunitetit Rom dhe Egjiptian në tregun e punës, me qëllim integrimin e tyre.

“Nga programi i ndihmës ekonomike kanë dalë nga vështirësitë sociale dhe ekonomike më shumë se 3.500 individë, të cilët janë drejtuar drejt punësimit të qëndrueshëm dhe aftësimit profesional. Rruga e vetme për fuqizimin e komunitetit Rom është arsimimi dhe punësimi. Ne jemi të fokusuar që të zhvillojmë mekanizmin e punësimit për ata të cilët janë në moshë aktive pune dhe që janë pjesë e programeve të mbrojtjes sociale”,- tha Manastirliu.

Duke folur për programin e mbështetjes së nënave me shumë fëmijë nëpërmjet subvencionim të sigurimeve shoqërore dhe shëndetësore, Manastirliu bëri me dije se deri tani janë mbi 7 mijë gra përfituese.

“Ne e kemi filluar këtë program në janar të këtij viti dhe po mbështeten vetëm në tre muajt e parë më shumë se 7100 nëna me tre e më shumë fëmijë, të cilave u subvencionohen kontributet shëndetësore dhe shoqërore nga shteti për 5 vitet e para të rritjes së fëmijës së tretë, të katërt, etj. Për komunitetin rom dhe egjiptian dua që të përçohet ky mesazh, pasi po mbështeten nëpërmjet garantimit të kontributeve nga shteti,”– nënvizoi Manastirliu.

Me synim gjithëpërfshirjen, një sërë programesh kombëtare janë në mbështetje të këtij komuniteti. Më shumë se 3 mijë familjet rome mbështeten nga programi i asistencës sociale. Bonusi i bebes është një tjetër program universal, që ka mundësuar shpërblimin e të porsalindurve, ku një pjesë janë fëmijë të komunitetit rom.

Ky mekanizëm ndikoi edhe për të rritur regjistrimin e fëmijëve të porsalindur Rom në gjendjen civile.

Gjithashtu nëpërmjet Fondit Social, janë ngritur 40 qendra dhe shërbime sociale në të gjithë bashkitë dhe qarqet e vendit, duke siguruar që më shumë se 11 mijë përfitues, përfshirë këtu edhe komunitetin Rom, të marrin shërbime ditore dhe rezidenciale.

Leave a Reply

Your email address will not be published. Required fields are marked *

Lexoni Gjithashtu

Categories Lajme

Kryeministri Rama: Baza Ajrore e NATO-s në Kuçovë! Do të luajë një rol kyç

Kryeministri Rama mëngjesin e sotëm ka publikuar pamje nga baza ajrore e NATO-s që  do…

LEXO ME SHUME
Categories Lajme

Mbërrin sonte në Shqipëri Zelenskyy

Presidenti i Ukrainës, Volodymyr Zelenskyy, do të mbërrij mbrëmjen e sotme në Shqipëri. Kreu i…

LEXO ME SHUME
Categories Lajme

Parashikimi i motit, 27 Shkurt 2024

Territori shqiptar, do të jetë nën ndikimin e kushteve të qëndrueshme atmosferike, ku moti i…

LEXO ME SHUME
Categories Lajme

Pamje/ Tritol në banesën e Ilir Kociljas, reagon edhe Policia e Durrësit

Një shpërthim i eksplozivi ka ndodhur mbrëmjen e sotme në Durrës. Ngjarja mësohet se ka…

LEXO ME SHUME
Categories Lajme

Abuzimi seksual i 19-vjeçares, shkak i vrasjes së babait nga fëmijët? Zbardhet ekspertiza mjeko-ligjore

Pas aludimeve se 19-vjeçarja Hygerta Meta ka vrarë dhe groposur babain për shkak se ai…

LEXO ME SHUME