Ali, Katalea, Soni dhe Joel janë 4 të porsalindurit e 29 shkurtit të 2024, që konsiderohet si Vit i Brishtë, për faktin që kjo datë përsëritet vetëm një herë në katër vite. Ishte ministrja e Shëndetësisë, Albana Koçiu ajo që dha lajmin e ëmbël për ardhjen në jetë të 4 vogëlushëve në Maternitetet “Mbretëresha Geraldinë” dhe “Koço Gliozheni”.
“Ali, Katalea, Soni dhe Joel, kanë ardhur sot në jetë në ditën më të veçantë të vitit, 29 shkurt, datë që vjen vetëm një herë në katër vite. Vogëlushët e porsalindur në Maternitetet “Mbretëresha Geraldinë dhe “Koço Gliozheni”, si dhe nënat e tyre, gëzojnë shëndet të plotë falë përkujdesjes profesionale dhe me përkushtim të stafit të mjekëve dhe infermierëve dhe ne i mirëpresim me dhuratën e “Bonusit të Bebes”, mbështetja direkte financiare për familjet që jetojnë dhe kontribuojnë në vendin tonë.
Gjatë dy muajve të parë të këtij viti, vetëm në këto dy maternitete, kanë ardhur në jetë 1490 fëmijë “, shkruan ajo. Vogëlushët do të duhet ta festojnë ditëlindjen e tyre një ditë më parë ose një ditë pas, pra më 28 shkurt apo më 1 mars, gjatë viteve që shkurti ka 28 ditë. Specialistët kanë llogaritur se shanset për të lindur në vitin e brishtë janë përafërsisht 1 në 1.500.
