Dy fitoret e fundit në kampionat,përball Laçit dhe Kamzës,me gjashtë pikë të plota,janë cilësuar mjaft të rëndësishme në kampin vlonjat,për të vijuar në serinë e rezultateve pozitive. Tek Flamurtari dëshirojnë një tjetër triumf,pavarësisht faktit se luhet në transfertë përball Tiranës. Portieri Enea Kolici ka konfirmuar se skuadra është në një moment të mirë dhe këtë fakt e tregojnë më së miri edhe dy fitoret e fundit në kampionat.

Vlonjatët gjejnë përball një njohje të vjetër si Ardian Mema në krye të stolit të Tiranës,por për Kolicin kjo ka pak rëndësi.

“Flamurtari do të kërkojë më të mirën në këtë transfertë,-konfirmon portieri,dhe këtë duhet ta tregojmë edhe në transfertën e radhës,ku nuk duhet dhe nuk do te dalim pa pikë”

Takimi do të luhet ditën e premte dhe kjo është ndeshja e fundit këtë vit,me vlonjatët që kërkojnë të mos mbeten në kuotën e 28 pikëve,por të jenë pse jo më lart në renditje