Policia e Kosovës bënë të ditur se një person ka detyruar me forcë nënën e tij të hyjë në taksi e të niset për Serbi. Rasti ka ndodhur mëngjesin e të mërkurës në fshatin Restelicë të Dragashit.
“Viktima femër kosovare, ka raportuar se djali i saj i dyshuari mashkull kosovar (me probleme psikike), me forcë e ka detyruar të futet në një veturë taksi, me qëllim për të vazhduar për në Serbi”, thuhet në raportin 24 orësh të Policisë së Kosovës.
Palët janë ndaluar janë intervistuar dhe me vendim të prokurorit i dyshuari është hospitalizuar në repartin e psikiatrisë në Prizren për tretman të mëtutjeshëm.