Kryeministri Edi Rama ka vizituar sot familjen prej tetë anëtarësh të Esat Lleshit në Kamzë, shtëpia e të cilit u shkatërrua nga tërmeti tragjik i 26 nëntorit. Ata janë akomoduar në një shtëpi me qira të paguar nga shteti, deri në rindërtimin e shtëpisë së dëmtuar.
Gjatë bisedës me familjarët, nuk kanë munguar edhe batutat e kryeministrit Edi Rama me fëmijët e shtëpisë, njërit prej të cilëve i pëlqen piktura. Ndërsa kreu i qeverië e këshilloi që të mos heqë dorë nga piktura. “Mos e ndaj pikturën. Do bëhesh bojaxhi si puna ime. E ke një zanat në xhep, sido që të vijë puna gjithmonë ka nevojë për bojaxhi. Se gjithmonë duhet bojaxhiu”, iu drejtua Rama-fëmijës.
