Naomi Campbell është një prej modeleve më të njohura në mbarë botën, e cila i ka bërë të gjithë për vete me bukurinë dhe hijeshinë e saj.
Megjithëse është 49-vjeç, ajo duket ende plot freski, si në të njëzetat e saj.
Së fundmi, modelja ka treguar një histori jo fort të këndshme që i kishte ndodhur gjatë këtij viti.
Campbell ka rrëfyer se ishte ftuar në një event, por nuk ishte lejuar të futej brenda për shkak të ngjyrës së lëkurës së saj.
“Unë gjithmonë kam dashur që njerëzit të trajtohen në mënyrë të barabartë. Kohët e fundit kam qenë në një qytet në jug të Francës, ku jam ftuar të marr pjesë në njëevent në një hotel, emrin e të cilit nuk do ta përmend. Ata nuk deshën të na linin mua dhe mikun tim për shkak të ngjyrës së lëkurës. Personi në hyrje pretendoi se nuk kishte vend, por ai lejonte njerëzit e tjerë të futeshin.”- ka rrëfyer modelja.
