Aktivisti Aulon Kalaja është përplasur në emision me inxhinierin Arben Meçe. Të ftuar në emisionin 360 gradë, aktivisti Kalaja e ka sfiduar Meçen nëse ky i fundit ka qenë për inspektim në zonën e Bubqit dhe se sa godina ishin të pabanuara atje. Nga ana tjetër inxhinieri i ka thënë aktivistit Kalaja se nuk është si ai që gatuan makarona për njerëzit, por që del në terren si ekspert. Më pas situata në studio degjeneroi kur aktivisti me inxhinierin Meçe filluan të ofendonin njëri-tjetrin.
Pjesë nga debati:
Aulon Kalaja: A e ke parë Bubqin? A ke qenë në Bubq?
Meçe: Po kam qenë 4-5 herë. Makarona mos gatuaj makarona, po hajde në vete.
Aulon: E di sa është Bubqi mer ti? Jam shumë krenar që shpërndaj makarona, propaganda komuniste mos më bëj këtu. Mos më trego mua që ke qenë 4-5 herë në Bubq, thuji nuk e di.
Qytetarët nuk kanë ku të gatuajë, bëjmë 1000 vakt në ditë. Kjo është propagandë bolshevike, tërhiqe mbrapsht atë që the.
Meçe: Në Shijak i gjithë qyteti është shkatërruar mbi 3000 shtëpi të pa banuara. Dëmi në Bubq është 1/1000-ta e asaj që është shkaktuar.
Aulon Kalaja: Po ju komunistët ju kemi duruar 50 vjet, mjaftë më me propagandë.
Meçe: 50 vjet më paske duru ti mu, Zheji me këta do ta bësh emisionin ti.
Aulon Kalaja: A je në vete mër ti.
Meçe: Idiot ke mbetur, idiot, kthehu me këmbë në tokë or ti. Do të të shkel me këmbë. Do të shkelin shefat po të kesh këtë mëndje.
Aulon Kalaja: Unë s’kam llogarit bandat jo më ty, unë s’kam pyet për Edi Ramën, shefin tënd.
