Është drejt përfundimit procesi i numërimit të votave për kandidatët në KZAZ me numër 39 në Tiranë, e cila i përket Njësisë 9 në kryeqytet.
Gazetari Ergys Gjençaj, raporton për “BalkanWeb”, se aktualisht janë duke u numëruar tre kutitë e fundit. Sipas tij, kryesuese është deri në këto momente ministrja Ogerta Manastriliu me 4.476 vota, pas saj vjen Fatmir Xhafaj, i cili siç u raportua më herët arriti të thyente herësin dhe të jetë pjesë e Kuvendit të ardhshëm. Sakaq, nga Partia Demokratike, më i votuari në këtë KZAZ është kryedemokrati Lulzim Basha, i cili ka grumbulluar mbi 1 mijë vota.
