Fatkeqësia natyrore që goditi Shqipërinë, ka prekur e ka bashkuar të gjithë shqiptarët, për t’u ardhur në ndihmë motrave dhe vëllezërve që po kalojnë këto ditë të vështira. Kësaj nisme i’u bashkua sot Drejtori i Portit Vlorë, së bashku me punonjësit e këtij institucioni duke kontribuar në llogarinë “Kontribute vullnetare, Emergjenca” vlerën prej 333, 385 lekë.
Furgonat e Portit Vlorë janë nisur drejt qytetit të Durrësit me ndihmat ushqimore dhe veshmbathje në ndihmë të banorëve në zonat e prekura të tërmetit. Punonjësit e Portit Vlorë po dhurojnë gjak për të plagosurit pranë bankave të gjakut në ambjentet e Spitalit Rajonal Vlorë Bashkohu në mbështetje të familjeve të cilat u goditën nga Tërmeti i datës 26/11/2019.
