Një drejtor i shkollës së mesme në Boca Raton, Florida, është larguar nga puna, pasi kishte shprehur dyshime për ngjarjen e Holokaustit.
Sipas autoriteteve, shkaqet e largimit nga puna të drejtorit, ishte i bazuar në sjelljet etike dhe mosrespektimin e përgjegjësive të punës. Latson, i pyetur se çfarë u mëson shkolla studentëve për Holokaustin, ai tha: ‘’Unë nuk mund të them që Holokausti është një ngjarje faktike, historike, sepse nuk jam në gjendje ta bëj këtë specifikim’’.
Ai mbronte çdoherë qëndrimet e tij mbi këtë ngjarje, madje në një nga email-at e publikuar, që ai e kishte me një nga prindërit e studentëve, ai tha se jo çdokush beson që Holokausti ka ndodhur. ‘’Secili prej nesh mendojmë ndryshe, ne jemi një shkollë publike dhe secili nga prindërit ka qëndrime dhe mendime të ndryshme. Jo çdokush beson që ka ndodhur Holokausti’’.
