Deri në 800 milionë punëtorë në të gjithë botën do të humbasin vendin e tyre të punës deri në vitin 2030 dhe do të zëvëndësohen nga robotët. Studimi i bërë në 46 shtete dhe 800 profesione nga Instituti Global i McKinsey zbuloi se do të preket 1/5 e forcës globale të punës. Studiuesit u shprehën se 1/3 e fuqisë punëtore në vende të pasura si Gjermania dhe SHBA mund të kenë nevojë të trajnohen për punë të tjera.
Mekanikët dhe kuzhinierët do të goditën më rëndë, thotë raporti. Vendet më të varfra që kanë më pak para për të investuar në automatizim nuk do të ndikohen aq shumë, sipas McKinsey. Gjtiashtu punë të tilla si agjentët e hipotekave, ekonomistët dhe disa punonjës në zyra të posaçme do të preken nga automatizimi. Punët që kërkojnë ndërveprime njerëzore, siç janë mjekët, avokatët, mësuesit dhe kopashtarët shihen nga McKinsey si më pak të prekshme. Në vendet e zhvilluara, nevoja për një arsim universitar do të rritet, pasi vendet e punës që kërkojnë më pak arsim do të zvogëlohen.
Vetëm në SHBA, 39 deri në 73 milion vende pune mund të eliminohen deri në vitin 2030, por rreth 20 milionë punëtorë do të mund të transferohen lehtësisht në industri të tjera, sipas raportit të McKinsey. Ndërsa në Mbretërinë e Bashkuar, 20% e vendeve të punës aktuale do të automatizohen gjatë të njëjtës periudhë.
