Drejtoria e Përgjithshme e Tatimeve synon të krijojë klimën e një fryme miqësore me biznesin. Gjatë sezonit veror do të vazhdojnë vizitat në subjekte për t’i këshilluar dhe informuar lidhur me respektimin dhe zbatimin me korrektësi të legjislacionit tatimor.
Qasja e Administratës Tatimore nuk është vendosja e gjobave, por është një plan masash i mirëmenduar që synon të rrisë respektimin e detyrimeve tatimore në mënyrë vullnetare.
Drejtoria Rajonale Tatimore Vlorë ka evidentuar disa kritere risku si Moslëshimi i kuponit tatimor, – Mosdeklarimi i saktë i profesionit dhe si rrjedhojë dhe i pagës së punonjësve, – Regjistrimi i punonjësve.
Per cdo shkelje të kryer këto subjekte po kontaktohen nga Administrata Tatimore dhe do t’i jepet mundësia për vetkorrigjim. Administrata Tatimore është fokusuar në fazën e sensibilizimit. Kontrollet në të gjitha rastet do të jenë të argumentuara dhe do të bëhen vetëm në ato subjekte që nuk kanë reflektuar.
Drejtoria Rajonale Tatimore Vlorë kërkon dhe sensibilizimin e qytetarëve lidhur me tërheqjen e kuponit tatimor. Bashkëpunimi juaj është shumë i rëndësishëm, terheqja e kuponit tatimor është një kontribut i drejtëpërdrejtë për ekonominë dhe sherben në përmirësimin e sherbimeve publike për të gjithë.
Nje kupon i prerë sot përvecse një detyrim ligjor përbën edhe një akt solidar në mbështetje të buxhetit për përballimin e situatës nga Covid -19. Ne jemi në shërbimin tuaj për një sezon të mbarë.
