Duam ujë, është kjo thirrja disa vjecare e banoreve te lagjes Partizani në qytetin e Vlorës. Nje nga lagjjet me të vjetra të qytetit bregdetar, vuan prej vitesh mungesën e ujit të pijshëm. Zgjidhja? Të detyruar nga kushtet në oraret e përcaktuara për furnizmin me ujë në Vlorë, nxitojnë me çfarë të mundin nëse gjejnë nga banesat e pakta ne afërsi të zonës, për të mbushur ujë dhe siguruar të pakten deri në ditën e ardhshme. Rreth 80% e lagjes Partizani nuk furnizohet me ujë, duke e vuajtur sipas tyre një problematikë të tille prej shumë vitesh.
Moshatarë, por dhe të tjerë, pranojnë se janë duke u perballur me një situatë mjaft të veshtirë. Nuk arrij më ta përballoj këtë situatë thotë një grua e moshuar. Qëkur kam lindur, thotë një tjetër, me bidona në krahë, shumë pak herë i jam gëzuar ujit në cezmën e shtëpise sime.
Kërkojnë zgjidhje, por nuk kanë asnjë përgjigje, ndersa i sheh teksa nxitojnë për të mbushur çfarë mundin. Kjo është situata në lagjen Partizani, një nga me vetrat, por ndoshta edhe nga më të varfërat në Vlorë. Duket se uji është gëzimi i vetëm dhe vetëm këtë kërkojnë. Të thare për pak ujë, në kushtet e pandemisë dhe motit të nxehtë, ndërsa mbeten ende duke shpresuar.
