Me anë të një shënimi në Facebook, presidenti Ilir Meta, nuk ka lënë pa i kujtuar edhe njëherë indirekt qeverisë se ‘shqiptarët duhen dëgjuar dhe jo përjashtuar’. Me një mesazh kumbues ndaj politikës shqiptare, Kreu i Shtetit i rikthehet dialogut të vërtetë e pa manipulime.

Shqiptarët kanë nevojë më shumë se kurrë për një dialog të vërtetë, të hapur, pa përjashtime dhe manipulime, me gjithsecilin prej tyre.
Ata duan që zëri i tyre të dëgjohet, të kenë lirinë e zgjedhjes, të fjalës, të jenë aktivë dhe faktorët më kryesorë në ruajtjen e Kushtetutës, demokracisë, në vendimarrjen dhe destinacionin europian të vendit. Shqiptarët meritojnë standarde më të mira jetese dhe një ekonomi më të konsoliduar, më përfshirësë dhe më shpresëdhënëse. Shqiptarët duhen dëgjuar dhe jo përjashtuar!