Mesditën e sotme ka ndodhur një aksident në lagjen nr.1 të Durrësit. Një automjet ka përplasur një 70-vjeçar. I moshuari ishte duke ecur me biçikletë në momentin që është përplasur nga një makinë tip “Benz”. Ai është dërguar drejt spitalit.
Ndërsa drejtuesja e mjetit është shoqëruar nga Polici. Njoftimi i Policisë: Më datë 13.06.2020, rreth orës 13:40, në lagjen nr.1, Durrës, mjeti tip “Benz” me drejtuese shtetasen V.Ç., ka aksidentuar shtetasin S.N., rreth 70 vjeç, që po lëvizte me biçikletë, i cili është dërguar në spital nën kujdesin e mjekëve, jashtë rrezikut për jetën. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes. Drejtuesja e mjetit është shoqëruar në ambjentet e Pòlicisë për veprime të mëtejshme.
