Një ngjarje kriminale është regjistruar pasditen e djeshme në periferi të Durrësit. Ngjarja ka ndodhur në zonën e Fllakës.
I plagosur me armë zjarri ka mbetur Arbër Gorgea, 36 vjeç.
36-vjeçari ndodhet në Spitalin e Durrësit, ndërsa policia po punon për zbardhjen e rrethanave të krimit.
36-vjeçari ka qenë i plagosur edhe dy vite më parë në një tjetër atentat, duke ngritur dyshime për një përplasje të vazhdueshme mes palëve.
Njoftimi i policisë
DVP Durrës/Informacion paraprak
Rreth orës 20:00, në zonën e Fllakës, dyshohet se për motive të dobëta është plagosur me armë zjarri shtetasi A. G., 36 vjeç, banues në Durrës, aktualisht jashtë rrezikut për jetën.
Shërbimet e Policisë dhe Grupi hetimor ndodhen në vendngjarje dhe vijojnë kontrollet dhe hetimet për identifikimin dhe kapjen e autorit, sqarimin dhe dokumentimin ligjor të rrethanave të ngjarjes.
