Një furgon i ardhur nga Italia është kapur në portin e Durrësit me një sasi të konsiderueshme me kartmonedha britanike. Sipas policisë drejtuesi i furgonit është shoqëruar për verifikime pas kapjes së sasisë së konsiderueshme të paundëve.

Aktualisht policia është duke bërë numërimin e kartmonedhave që ishin fshehur në furgon me qëllim kalimin e tyre pa i deklaruar.

Furgoni kishte mbërritur ditën e sotme me traget nga Italia dhe sasia e paundit u arrit të evidentohej në vijën e dytë të kontrollit. Policia ka bërë shoqërimin në komisariat të drejtuesit të mjetit.

Kujtojmë se nuk është hera e parë që policia kap sasi të konsiderueshme paundësh në portin e Durrësit. Një muaj më parë brenda një furgoni që vinte nga Britani u gjetën 123 mijë paund dhe 200 sterlina.