Durrës/Vihen në pranga 3 shtetas, njëri prej tyre i shpallur në kërkim, për vepra të ndryshme penale.
Specialistët për Hetimin e Krimeve të DVP Durrës arrestuan në flagrancë shtetasin J. L., 33 vjeç, banues në Durrës, pasi gjatë kontrolleve, iu gjetën një stemë si e Policisë, një elektroshok dhe një shkop metalik, që posedoheshin pa leje.
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin G. C., 54 vjeç, banues në Shkallnur, Durrës, pasi dyshohet se ka ngacmuar seksualisht, një 52-vjeçare.
Po nga këta specialistë u ndalua shtetasi i shpallur në kërkim E. D., 32 vjeç, banues në Durrës, pasi Gjykata e Shkallës së Parë e Juridiksionit të Përgjithshëm Durrës i ka caktuar masën e sigurisë “Arrest në burg”, për veprat penale “Veprime në kundërshtim me vendimin e gjykatës” dhe “Dhuna në familje”.
Informacion paraprak/Paraditen e sotme, në lagjen nr.17, Durrës, dyshohet se ka rënë aksidentalisht, nga kati i katërt i një pallati, shtetasi A. Th., 25 vjeç (sipas deklarimeve të familjarëve, vuante nga probleme të shëndetit mendor). Si pasojë, 25-vjeçari ka humbur jetën. Grupi hetimor vijon punën për zbardhjen e rrethanave të kësaj ngjarjeje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
