Mbrëmjen e djeshme në lagjen nr.4 në Sarandë 43-vjeçari Ibrahim Duda plagosi me thikë dy djem, konkretisht shtetasin K.G. 18 vjeç dhe vëllain e tij D. G., 16 vjeç. Duda njihet si përdorues i drogave të forta, teksa është person me precedentë të mëparshëm penal pasi në të kaluarën është dënuar për tentativë vrasje dhe për vjedhje e kundërshtim të forcave të policisë, ndërsa bëhet e ditur se vuan nga probleme të shëndetit mendor. Mësohet se Duda, plagosi me thikë dy vëllezërit për shkak se ata i kishin shtypur qenin me makinë.
“D. G., 16 vjeç, ishte paraqitur për ndihmë mjekësore në Spitalin e Sarandës, pasi dyshohet se për motive të dobta, është goditur me mjet prerës” informoi policia më vonë. Në këtë konflikt ka mbetur I plagosur dhe vëllai i tij 18 vjeç, K.G. Ky është goditur me mjet shpues, në brinjë dhe për shkak se ka tre plagë të rënda ndodhet për mjekim më të specializuar në Spitalin e Tiranës.
