Autoritetet angleze vunë në pranga dy shqiptarë. Konkretisht Mirush Kula dhe Sami Lame janë dy shqiptarë të dënuar për kultivim lëndë narkotike në Angli. Shqiptarët ishin emra të njohur për policinë angleze pasi para dy vitesh u kapën për të njëjtin aktivitet të ngjashëm.
Sipas mediave të huaja shqiptarët ishin të pranishëm kur policia, e armatosur, bastisi një banesë mbi një lokal në Trafalgar Street, Consett, më 24 mars. Ndërkohë Gjykata e Durham Crown tha se Lame u gjet i fshehur në papafingo, ku po dridhej nga frika. Të dy shqiptarët u arrestuan dhe pranuan se prodhonin kanabis. Turton tha se Lame mori një dënim me nëntë muaj burg për prodhimin e kanabisit në Gjykatën e Nottingham Crown vitin e kaluar dhe u lirua vetëm në shkurt të këtij viti.
Në kohën e arrestimit të tij në Consett, Kula ishte nën hetim për rolin e tij në kujdesin e rritjes së kanabisit në një rrugë banimi në Luton, Bedfordshire, nga ku policia gjeti 122 bimë në nëntor 2020. Këtë vit oficerët gjetën 248 bimë kanabisi ose 21 kilogramë që po të nxirreshin në treg do të kapnin vlerat nga 70,000 deri në 210,000 £. 36-vjeçari Kula, ashtu edhe i bashkëkombësi i tij 25-vjeçar, Sami Lame, pranuan veprën e fundit të prodhimit të kanabisit.
