Një person i plagosur ka shkuar në spitalin e Pogradecit. Plagosja ka ndodhur në afërsi të hotel “Kalaja”, ndërsa i dëmtuari ka shkuar vetë në spital dhe ka deklaruar se është plagosur nga dy persona.
Pogradec, në lagjen “Voloreka”, ku mësohet se, i plagosur me armë zjarri tip pistoletë ka mbetur Joan Mucllari. I plagosuri ka shkuar në spital për të marrë ndihmën e parë mjekësore. Sipas policisë, dy autorët e dyshuar janë F.B dhe G.M.
Njoftimi i policisë: Plagosën me armë zjarri gjatë një konflikti të çastit një shtetas, identifikohen dhe shpallen në kërkim dy autorët e dyshuar të ngjarjes.
Më datë 25.04.2022, rreth orës 16:00, në Spitalin e Pogradecit është paraqitur për mjekim, jashtë rrezikut për jetën, i dëmtuar në këmbë shtetasi J. M., i cili dyshohet të jetë plagosur në lagjen “Voloreka”, me armë zjarri tip pistoletë, gjatë një konflikti të çastit, nga dy shtetas të tjerë.
Menjëherë në vendngjarje, kanë shkuar shërbimet e policisë dhe nga veprimet e para u bë e mundur identifikimi i dy autorëve të dyshuar konkretisht shtetasit F. B. dhe G. M.
Nga ana e Policisë janë ngritur pika kontrolli dhe po punohet për kapjen e tyre dhe sqarimin e rrethanave të ngjarjes.
