Dy raste të dyshuara me korona virus janë regjistruar këtë të martë në rrethin e Pogradecit.
Burime të sigurta bëjnë me dije se janë marrë dy mostra për analizë që janë dërguar tashmë në Tiranë.
Një rast ka të bëjë me një 15-vjeçare nga fshati Senisht i Mokrës e cila përpara 4 ditësh ka qenë e shtruar në spitalin “Shefqet Ndroqi” në kryeqytet.
Vajza nuk ka udhëtuar jashtë vendit por fakti që në këtë spital kanë rezultuar infermierë dhe mjekë të infektuar ka bërë që ISHP të marrë mostrën për analizë për vajzën pasi mund të jetë infektuar në spital.
Ndërkohë rasti tjetër është në fshatin Grabovicë e cila është paraqitur në urgjencën e spitalit të Pogradecit me temperaturë të lartë edhe për këtë rast është marrë mostra për analizë.
