Një shtetas polak është shoqëruar në komisariat nga Policia e Kakavijës i cili po udhëtonte drejt Greqisë, pasi është konstatuar se kishte probleme me dokumentet e tij të identifikimit.
Sipas raportimeve paraprake mësohet se ky shtetas udhëtonte me një ID Card greke të falsifikuar me emrin Dimitris K nga Athina. Forcat policore kanë dyshuar për autenticitetin e ID Card greke dhe kanë hulumtuar më tepër nga ku dhe rezultoi se shtetasi ishte polak.
Ky shtetas, identiteti i saktë i të cilit ende nuk është bërë i njohur, dyshohet të ketë gisht në një vrasje të kryernë kryeqytetin e Greqisë, Athinë. Burime konfidenciale shprehen se polaku 38 vjecar ka vrarë një vit më parë në kryeqytetin grek Athinë, Mihal Kapuranin.
Bëhet fjalë për një ngjarje të ndodhur disa muaj më parë ku një 23-vjeçar shqiptar u ekzekutua në sheshin e lagjes “Exarchia” të kryeqytetit të Greqisë, Athinë .
Sipas policisë, viktima është Mihal Kapurani nga Korça. Burime policore thanë se viktima u sulmua nga agresorët në sheshin e lagjes, pas një konflikti që pati mes tij dhe 3 bashkëkombasve të tij për shkaqe ende të panjohura. Ndërkohë ende nuk dihet se cila mund të ketë qenë roli i shtetasit polak në këtë ngjarje të rëndë.
Dyshohet se polaku është vrasës me pagesë dhe në Shqipëri ka hyrë ilegalisht.
