Një 11-vjeçare dyshohet se është abuzuar seksuālisht nga një mik i babait të saj.
Ngjarja e rëndë ka ndodhur në Tiranë. Familja nga Saranda, që i përket komunitetit rom jetonte me qira në Tiranë.
Autori 55-vjeçar është shoku i babait të viktimës. Gazetarja Dorjana Bezat raporton se ai ka shkuar për vizitë në shtëpinë e mikut të tij dhe kur e ka gjetur vetëm 11-vjeçaren, ka kryer abuzimin me dhunë ndaj saj.
Vajza më pas u ka treguar ngjarjen prindërve, të cilët kanë bërë denoncimin në polici. Shtetasi me iniciale A.T. është arrestuar këtë të mërkurë, ndërkohë që ka nisur hetimi ndaj tij.
Flet babai:
Zbardhen detaje të reja nga ngjarja e rëndë e ndodhur në Tiranë, ditën e sotme, ku një 11-vjeçare u abuzua seksualisht.
Gazetarja Dorjana Bezat, ka kryer një intervistë per Top Channel me babanë e të miturës, për të cilën tha se është e traumatizuar dhe e frikësuar.
Ai tha se Terollin e njeh prej shumë vitesh dhe nuk kishte vënë re asnjë gjë të dyshimtë tek ai.
Vajza është e traumatizuar. Është në shtëpi me ne dhe me shëndet është mirë por shumë e frikësuar. Nuk mban mend nga ngjarja dhe ne nuk e kemi pyetur.
Si e morët vesh abuzimin?
Fëmijët i tregojnë të gjitha nuk gënjejnë. Sa erdhëm në shtëpi na tregoi vajza çfarë i kishte ndodhur dhe shkuam në polici.
E njoh prej shumë vitesh nuk kisha vënë re asgjë të dyshimtë tek ai. Se di pse erdhi ne shtëpinë time dhe e bëri këtë gjë
