Papa Françesku ka pranuar se klerikët kanë abuzuar seksualisht me murgeshat, dhe se në një rast ato janë mbajtur edhe si skllave seksi.
Ati i Shenjtë tha se në këtë rast paraardhësi i tij, Papa Benedikti, u detyrua të mbyllte një kongregacion të tërë të murgeshave që u abuzuan nga priftërinjtë.
Kjo mendohet të jetë hera e parë që Papa Françesku ka pranuar publikisht abuzimin seksual të murgeshave nga kleri.
Françesku tha se Kisha po përpiqej të zgjidhte problemin, por shtoi se gjithsesi, fenomeni vazhdon të përsëritet.
Komentet, Papa i bëri të martën para gazetarëve gjatë vizitës historike në gadishullin arabik.
Nëntorin e kaluar, organizata globale e Kishës Katolike për murgesha denoncoi “kulturën e heshtjes dhe fshehtësisë” që i pengonte ato që të flasin hapur.
