Nje ngjarje e rende ka ndodhur ne Greqi diten e sotme. Piloti dhe 2 pasagjerë rusë kanë humbur jetën në Greqi si pasojë e rrëzimit të helikopterit me të cilin ata fluturonin.
Kathimerini.gr raporton se helikopteri ‘Agusta 109’ ishte kontraktuar nga një kompani tregtare dhe po transportonte dy shtetasit rusë nga ishulli i Paros drejt aeroportit ndërkombëtar të Athinës, ‘Eleftherios Venizelos’, por pas disa minutash nga nisja ka humbur sinjalin.
Si shkak i rrëzimit dyshohet kontakti me kabllot e energjisë elektrike, ndërsa dëshmitarët janë shprehur se helikopteri ka shpërthyer në ajër menjëherë pas kontaktit. Ekipet e shpëtimit kanë mbërritur në ishullin e Paros dhe kanë nxjerr trupat nga uji.
