Një ngjarje e rëndë ka ndodhur mesnatën e djeshme tek ish-fabrika e letrës, në Kavajë. Mësohet se një 27-vjeçar ka plagosur me a rmë zjarri në këmbë një 29-vjeçar, i cili u dërgua në spitalin e Durrësit. Sakaq, bëhet me dije autori është larguar nga vendi i ngjarjes, por pas një ore e gjysem ndjekje dhe kerkimesh është bërë shoqerimi i tij për në Komisariat. Ndërkohë policia ndodhet në vendngjarje dhe po punon për zbardhjen e plotë të rrethanave. Njoftimi i Policisë: Më datë 24.05.2020, rreth orës 01:00, tek ish-fabrika e letrës, në Kavajë, për motive ende të paqarta dyshohet se është plagosur me ar më zjarri në këmbë, shtetasi M.Xh., 29 vjeç, i cili u dërgua në spitalin e Durrësit. Si autor i dyshuar i ngjarjes është shtetasi V.H., 27 vjeç, banues në Kavajë, i cili fillimisht është larguar nga vendi i ngjarjes, por pas një ore e gjysem ndjekje dhe kerkimesh është bërë shoqerimi i tij për në ambientet e Komisariatit të Policisë Kavajë. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.