Studiuesit nga Instituti i Kërkimeve të Akuariumit të Monterey Bay (MBARI) kanë arritur të kapin pamjet e një peshku të rrallë me kokë transparente. Peshku i pazakontë u fotografua nga akuaristi Tommy Knowles dhe ekipi i tij ndërsa ishin në anijen kërkimore Rachel Carlson, ku ata po mblidhnin pelte për ekspozitën e ardhshme “Into the Deep” të akuariumit në Kaliforni.
Thuhet se ekipi është “mrekulluar” nga pamja e jashtëzakonshme e peshkut. Ky lloj peshku jeton në një thellësi prej 600 deri në 800 metra. Megjithëse pjesa më e madhe e trupit të tij është e errët, koka e tij është tërësisht transparente. Dy pika në pjesën e përparme të fytyrës së peshkut mund të ngatërrohen me sy, raporton EarthSky, por këto janë në fakt organet e tij të nuhatjes.
Sytë e tij ndodhen pas këtyre njollave dhe duken si rruaza jeshile me ngjyra të ndezura, me të cilat peshku sheh lart dhe kap prenë e tij. Peshku mund të rritet deri në 15 cm në madhësi dhe të jetojë në habitate që variojnë nga Deti Bering në Baja California në Japoni.
