Ishte tradhtuar nga një unazë ari me një kokë luani mbi të. Në fakt, një shqiptar 49 vjeçar, i arratisur për 11 vjet, u arrestua nga Policia. I dënuar si një anëtar i një shoqate kriminale të specializuar në trafikun e drogës dhe importimin e dërgesave të mëdha në Puglia, njeriu u arrestua dje nga agjentët në Viserba.
Pas arrestimit policia kreu një kontroll në banesën e tij. Në këtë moment forcat e rendit vunë re edhe dy bashkëpunëtorët e shqiptarit, të cilët ishin duke përgatitur valixhet për personin e kërkuar në mënyrë të arratisej dhe ti shpëtonte arrestimit.
Njeriu u identifikua dhe u kap nga policia: në gishtin e tij u pa një unazë me një kokë luani, një hollësi e vënë re nga policia, pasi e njëjta unazë ishte e pranishme në një foto të njeriut të kërkuar.
Ende nuk bëhet i ditur identiteti i shqiptarit të arrestuar, ndërsa mësohet se është dërguar në burgun e Riminit ku do të vuajë edhe dënimin.
