Policia e Tiranës ka zbarkuar në Bregun e Lumit aty ku gjatë ditës së sotme pati përplasje mes saj dhe banorëve të cilët nuk pranojnë të lirojnë shtëpitë e tyre pa u kompensuar për pronat sipas vlerës së tregut.
Burime për Faxweb.al bëjnë me dije se janë arrestuar 2 vëllezër, përkatësisht Bujar Durullari dhe Idajet Durullari për shkak të protestës së sotme.
Ndërkohë mësohet gjithashtu se 20 furgona policie knë zbarkuar në lagje nga ku burime bëjnë me dije se do të arrestohen gjithë meshkujt e lagjes pasi kanë gjuajtur me gurë dhe tjegiulla në drejtim të policisë.
Një pjesë e grave kanë marrë në duar dhe gurë, ndërsa thanë se nga banesat e tyre do të dalin vetëm si kufoma.
Një prej qytetarëve u shpreh se banesa e tij ishte vlerësuar nga ana e Bashkisë me një vlerë prej 75 milionë lekë të vjetra, mirëpo nuk i është dhënë asnjë dëmshpërblim, pasi sipas tij paratë e Buxhetit për këtë aks janë vjedhur.
Nga ana tjetër banorët thonë se vetëm 7 familjeve iu ka shkuar lajmërimi se shtëpia e tyre do të prishej.
Ndërkohë që një prej zonjave i ka rënë të fikët, dhe ambulanca edhe pse ndodhej disa metra larg banorëve, nuk ka ofruar as ndihmën e parë për qytetaren.
