Joe Biden do të jetë Presidenti i 46-të i Shteteve të Bashkuara. Pak minuta pasi bëri një reagim në Twitter duke shpallur fitoren në garën presidenciale dhe i premtoi amerikanëve se do të jetë President i të gjithëve, Rama nixtoi ti bënte “like”. Ndryshe nga herët e tjera kur politikanët bëjnë statuse në rrjete sociale, Rama këtë herë duket se është mjaftuar me kaq.
As kryetari i opozitës, Lulzim Basha nuk ka reaguar për fitoren e Biden, por ka zgjedhur të postojë reagimet e Partisë Populiste Evropiane që shkruajnë: “Populli Amerikan, në një zgjedhje të ngushtë, ka zgjedhur Joe Biden për t’i udhëhequr ata si president për katër vitet e ardhshme. PPE përgëzon @JoeBiden, një mbrojtës i përkushtuar i aleancës transatlantike. Ne riafirmojmë angazhimin tonë për një partneritet të fortë BE-ShBA, të ndërtuara mbi vlerat tona thelbësore demokratike. Ne do të vazhdojmë të punojmë me miqtë tanë amerikanë për një rend botëror të begatë dhe paqësor.”
