Policia e Tiranës ka bërë me dije se një efektiv, gjatë kohës që ishte me shërbim te nënkalimi i pallatit me shigjeta, është goditur me monopatinë elektrike nga një shtetas që qarkullonte në sens të kundërt me lëvizjen.
Pas përplasjes ai e ka ofenduar dhe kundërshtuar me forcë punonjësin e Policisë, ç’ka ka bërë që ky i fundit ta arrestojë e më pas ta shoqërojë në ambientet e komisariatit.
Njoftimi i policisë:
Punonjësi i Policisë, gjatë kohës që ishte i planizuar me shërbim te nënkalimi i pallatit me shigjeta, është goditur me monopatinë elektrike nga një shtetas që qarkullonte në sens të kundërt me lëvizjen, i cili më pas ka ofenduar dhe kundërshtuar me forcë punonjësin e Policisë.
Ndodhur në këto kushte, punonjësi i Policisë, sëbashku me ndihmën e kolegut ka prangosur shtetasin A. P., 26 vjeç, dhe e ka shoqëruar atë në komisariat.
Në vijim të veprimeve u procedua penalisht në gjendje të lirë, për veprën penale “Mosbindja ndaj urdhrit të punonjësit të Policisë së rendit publik”.
