Një 39-vjeçar shqiptar është vënë në pranga nga policia italiane, pasi ishte shpallur në kërkim për trafik ndërkombëtar të lëndëve narkotike.
Sipas mediave fqinje, 39-vjeçari është ndaluar në një stacion, pas kontrolleve të kryera nga policia hekurudhore, e pas arrestimit është transferuar në burgun e Fuornit.
Shqiptari është nën hetim nga Drejtoria e Qarkut Antimafia e Bolonjës, pasi kishte blerë dhe importuar nga Belgjika, në gusht 2020, rreth 28 kilogramë kokainë të destinuara për t’u rishitur me pakicë në tregjet e Romagna-s.
Bëhet fjalë për një furnizim droge ku i përfshirë theksohet se është edhe ish-deputeti italian Gianluca Pini.
