Pasi dy javësh në vendin tonë, grupi i ekspertëve izraelitë që erdhën në Shqipëri pas tërmetit të 26 nëntorit, kanë përfunduar misionin e tyre. Ministria e Mbrojtjes e Izraelit, duke publikuar edhe një video të veçantë thekson se dërgoi një delegacion në ndihmë për popullin shqiptar pas tërmetit, ndërsa nënvizon se kjo kishte një kuptim të madh për popullin e tyre, për shkak të asaj që shqiptarët kanë bërë në të shkuarën.
Krahas mesazhit, ministria izraelite e Mbrojtjes ka publikuar edhe një video ku nënvizohet strehimi i hebrenjve në Shqipëri gjatë pushtimit nazist.
