Një aksident me pasojë plagosjen e nje 19-vjeçareje ka ndodhur ditën e sotme në Elbasan. Per fat të mirë, e reja ndodhet jashtë rrezikut për jetën.
Njoftimi nga policia: Elbasan/Informacion, paraprak Më datë 09.01.2022, rreth orës 17:45, në lagjen “Luigj Gurakuqi” Elbasan, shtetasi A. Xh., 28 vjeç, banues në Elbasan, duke drejtuar automjetin tip “Toyota” ka aksidentuar këmbësoren shtetasen M. Xh., 19 vjeçe banuese në Elbasan, e cila ndodhet nën kujdesin e mjekëve, jashtë rrezikut për jetën. Grupi hetimor po punon për zbardhjen e plotë të rrethanave të aksidentit.
