Një aksident i rëndë ka ndodhur ditën e sotme në aksin Elbasan-Peqin, ku si pasojë një e mitur ka humbur jetën, ndërsa 6 persona të tjerë kanë mbetur të plagosur.
Në aksident janë përfshirë dy mjete, teksa sipas infcormacioneve të para mësohet se makina me targa të Gostivarit e drejtuar nga një grua, ka humbur drejtimin dhe është përplasur me një tjetër automjet.
Si pasojë, ka ndërruar jetë një nga vajzat e saj, 8 vjeçe, dhe janë plagosur vetë ajo me vajzën tjetër, si dhe 4 personat që ndodheshin në automjetin tjetër që u përfshi në aksident.
