Puthje stemash të çdo klubi, “më bindi projekti” e shumë gjëra të tilla i kemi parë shpesh në botën e futbollit. Kemi parë gjithashtu që trajnerë e lojtarë kanë shkuar në ekipe të cilat më parë i kishin përjashtuar si mundësi.
Kështu kishte bërë më parë (në vitin 2015) Jose Mourinho, i cili kishte deklaruar se nuk mund të drejtonte skuadrën e Tottenham për shkak të lidhjes që ai kishte me tifozët e Chelsea. Vetëm fjalë, pasi një ditë më parë portugezi pranoi ofertën e londinezëve dhe nisi nga puna.
Telashe tani mund të ketë për mesfushorin Dele Alli, i cili në vitin 2012, në Twitter shigjetonte trajnerin aktual. “Sigurisht nuk mund të jem i vetmi që mendon se Mourinho është i mbivlerësuar dhe shumë kokëfortë. Thjesht ju bën të dukeni si një menaxher i keq. Më vjen mirë që kurrë nuk do të mund të punoj me të”, shkruante mesfushori, i cili asokohe ishte vetëm 16 vjeç dhe akoma nuk i ishte bashkuar skuadrës së Tottenham. /abcnews.al
