Një plagosje ka ndodhur ditën e sotme në Fushë Krujë. Mësohet se një 62-vjeçar është plagosur me armë në këmbë nga një 44-vjeçar me emrin Blerim Selaçi. Ngjarja ka ndodhur në lagjen ‘Punëtori’ ku 44-vjeçari pas një konflikti për motive të dobëta ka plagosur të moshuarin me emrin Lutfi Kupa, i cili është dërguar në spitalin e Traumës për të marrë ndihmë më të specializuar. Autori i ngjarjes po kërkohet nga policia, e cila po bën dhe krehjen e zonës së Fushë Krujës.
Njoftimi i Policisë: Fushë Krujë/ Informacion paraprak Plagosi 62-vjeçarin me armë zjarri në këmbë, gjatë një konflikti të çastit, shpallet në kërkim autori i dyshuar i ngjarjes. Më datë 06.06.2022, në Fushë Krujë, në lagjen “Punëtori”, shtetasi B. S., 44 vjeç, pas një konflikti të çastit për motive të dobëta, dyshohet se ka plagosur me armë zjarri në këmbë, shtetasin L. K., 62 vjeç, banues ne Fushë Krujë, i cili është dërguar në Spitalin e Traumës, Tiranë dhe ndodhet jashtë rrezikut për jetën.
Shërbimet e Policisë kanë rrethuar zonën dhe vijon krehja e saj, për të bërë të mundur kapjen dhe arrestimin e autorit të dyshuar të kësaj ngjarjeje. Grupi hetimor ndodhet në vendngjarje dhe nën drejtimin e Prokurorisë, po vijon punën për sqarimin e plotë të rrethanave të ngjarjes.
