Një person është gjetur i vdekur në Milot të Kurbinit, ku dyshohet se është aksidentuar dhe është lënë në rrugë.
Policia e Lezhës ka mbërritur në vendngjarje dhe mohon skenarin e vrasjes.
Burime bëjnë me dije se në vendin ku është gjetur trupi i pajetë janë konstatuar dhe xhama makine të thyer, çka shton dyshime për një aksident.
Lidhur me ngjarjen ka reaguar zyrtarisht edhe policia e Lezhës, e cila ka bërë edhe identidifikimin e viktimës, Zef Keci, 68-vjeç.
Njoftimin i policisë:
Rreth orës 11:30, në aksin rrugor Milot -Kryqëzim i Arbërisë, është gjetur në anë rrugës nga kalimtarët, pa shenja jete, shtetasi Z.K. 68 vjeç, banues në Rrëshen. Nga veprimet hetimore paraprake të kryera, dyshohet që të jetë aksidentuar nga një mjet në lëvizje.
Në vendin e ngjarjes, janë gjetur dhe sekuestruar në cilësinë e proves materiale, pjesë të mjetit që dyshohet që e ka aksidentuar. Grupi hetimor në vendngjarje vazhdon hetimet për identifikimin dhe kapjen e drejtuesit.
