Një grua dhe një tre burra, njëri prej tyre shqiptar kanë rënë në prangat e policisë italiane, pasi akuzohen se kanë grabitur një hotel “La Perla” në Colonnella, në 23 janar. Mediat fqinje shkruajnë se shqiptari i arrestuar është Rigent Xhixha, ndërsa gruaja është e moshës 43-vjeçare e me iniciale S.C., dhe një 37-vjeçar. Bashkë me ta u arrestua edhe 69-vjeçar, i cili dyshohet se i ndihmoi të tre personat të shmangnin hetimet duke i pritur në shtëpinë e tij në provincën e Ascoli Piceno.
Ngjarja Në mbrëmjen e 23 janarit, disa minuta pas mesnatës, një burrë dhe një grua me fytyrat e mbuluara dhe të armatosur, përkatësisht, me një pistoletë dhe një sëpatë të madhe, u futën në dhomën e hotelit. Ata kërcënuan punonjësin dhe kishin mundur të merrnin paratë që gjendeshin në arkë . Bëhet fjalë për grabitjen e rreth 26 mijë eurove dhe më pas ishin zhdukur. Po ashtu ata kishin kërcënuar edhe një person që kishte qenë në lokalin e hotelit që të hiqte telefonin e tij dhe të mos filmonte skenën. Mësohet se mbrëmjen e 30 janarit shqiptari Rigent Xhixha kishe shtënë me armë drejtë një makine policie që patrullonte. Tashmë të katër të arrestuarit pritet të dalin para Gjykatës.
