Zbardhet identiteti i të rinjve të arrestuar nga policia e Himarës, pasi akuzohen se shpërndanin drogë në lokalet e natës në Dhërmi. Në kuadër të operacionit të koduar “Parts 4” u vunë në pranga shtetasit: Ermand Hoxha, 30 vjeç, Xhoi Bare 27 vjeç dhe Kedi Hoxha 19 vjeç, të tre banues në Tiranë.
Ata u kapën me rreth 800 doza kokaine dhe 750 doza kanabisi, gati për shitje, 1 peshore elektronike për peshimin e dozave, një shumë parash e përfituar nga shitja e tyre dhe 3 celularë.
Mësohet se Xhoi Bare është shoku i ngushtë i ish-banores së “Big Brother Albania 2”, Efi Dhedhes. Gjatë qëndrimit të Efit në shtëpinë më të famshme në Shqipëri, Xhoi Bare dilte në intervista televizive dhe si menaxheri i saj. Po ashtu ai i menaxhonte dhe Instagramin, Efit gjatë qëndrimit në BBV dhe siç e shihni në fotot e mëposhtme ai ka qenë bashkë me të edhe në pushimet që Efi bëri në Tailandë. Gjithashtu, Xhoi Bare ka qenë dhe gazetar i emisionit “Why Not” i Roza Latit, ku bënte personazhin e “jashtëtokësorit”.TPZ
