Ministria e Punëve të Jashtme të Kosovës ka reaguar ashpër ndaj presidentit serb Aleksandër Vuçiç i cili ishte shprehur se gjatë ceremonisë për inaugurimin e aeroportit në Stamboll, me kërkesë të tij organizatorët kishin hequr flamurin e Kosovës.
Në një përgjigje për Koha.net, Jetlir Zyberaj, këshilltar i ministrit për Punë të Jashtme Behgjet Pacolli, ka thënë se flamuri i Kosovës nuk është hequr gjatë takimeve në Stamboll, dhe se delegacioni i Kosovës është është nderuar me nivelin më të lartë protokollar.
“Vuçiçi është një shpifës i kriminalizuar. Flamuri i Kosovës ka qenë aty ndërsa delegacioni i Kosovës është nderuar me nivelin më të lartë protokollar”, ka thënë ai.
