Fatkeqësia me dhjetëra viktima nga tërmeti i fortë deri tani, i ka bërë të gjithë politikanët bashkë pavarësisht nga divergjencat, për të respektuar kodin e përfitimit nga kjo fatkeqësi, duke bërë heroin që merr meritat personale nga kjo gjendje emotive e njerëzve. Në mënyrë shumë diskrete atë e kanë respektuar vetë Rama, shumë nga ministrat e qeverisë, presidenti Meta madje edhe lideri i opozitës Lulzim Basha.
I vetmi që nuk i ka rezistuar dot tundimit për të thirrur të gjitha mediat për të transmetuar live fjalimin e tij në Këshillin Bashkiak ku lexonte lista të stërgjata, ku fliste dhe për shkollat dhe për natën e bardhë dhe për ditën e flamurit e për të gjitha këto bashke ishte Lali Eri. Ndërkohë që ende kamerat ishin në shesh katastrofat për te pritur nxjerrjen nga rrënojat të të vdekurve apo të mbijetuarve, Veliaj lexonte emrat e gjithë atyre që u kish bërë bamirësi duke u akorduar dëmshpërblim për shtëpitë e shkatërruara nga tërmeti.
Si të gjithë njerëzit e sëmurë nga mania e protagonizmit mediatik Veliaj pushtoi mbi 20 minuta ekranet, si askush tjetër sot rreth orës 17:10 -17:30, pa pasur frikën se ky përdorim i paskrupullt i tragjedisë më shumë mundësi ka të kthehet në bumerang. /lapsi/
