Donald Trump është pezulluar nga Facebook për dy vjet. Ky vendim u njoftua nga media sociale, duke nënvizuar se në fund të 24 muajve ekspertët do të vlerësojnë përsëri çështjen.
Vendimi i Facebook pason vlerësimin e Bordit të tij Mbikëqyrës i cili, muajin e kaluar, kritikoi pezullimin e ish-presidentit nga rrjeti pa një afat.
“Duke pasur parasysh rëndësinë e rrethanave që çuan në pezullimin e Trump, ne besojmë se veprimet e tij përbëjnë një shkelje serioze të rregullave tona që meriton dënimin më të madh. Ne pezullojmë llogaritë e tij për dy vjet, duke filluar nga data e pezullimit të tij fillestar në 7 Janar të këtij viti “, thotë Facebook.
“Në fund të kësaj periudhe ne do të vlerësojmë nëse rreziku për sigurinë publike është ulur. Nëse përcaktojmë se rreziku është ende i lartë, ne do të zgjasim kufizimin për një periudhë. Kur pezullimi të hiqet do të ketë një një seri sanksionesh që do të ndërmerren, nëse Trump do të kryejë të tjera shkelje në të ardhmen”, shtoi Facebook.
Facebook gjithashtu njoftoi fundin e trajtimit të favoizuar për politikanët. Tani e tutje, të njëjtat rregulla do të zbatohen për të gjithë përdoruesit.
Vendimi i Facebook “është një fyerje për 75 milion njerëz që votuan për ne në zgjedhjet e manipuluara presidenciale të vitit 2020”, reagoi Donald Trump duke thënë se: “vendi ynë nuk mund ta durojë më këtë abuzim”.
