Klithma e urisë, varfëria, dhe skamja, ka pllakosur shumë familje në qytetin e Vlorës. Familja Beçoraj, me 5 anëtarë, jeton me pensionin e gjyshes dhe me të ardhurat që kryefamiljari siguronte në të zezë. Dy fëmijët Emiljano 10 vjeç dhe Martini 6, së bashku me gjyshen 75 vjeçare Lumturie Beçoraj dhe dy prindërit qëndrojnë në një banesë të rrënuar dhe ku dyert e dritaret janë mbyllur me mjete rrethanore.
Prej më shumë se 40 ditësh babai është i detyruar të qëndrojë në shtëpi duke mos mundur të sigurojë ato pak të ardhura për ushqim. Është drejtuar shpesh herë në dyert e institucioneve vendore për ndihmë duke ju kërkuar një punë stabël , por pa gjetur zgjidhje.
“Brenda, u bë një muaj e gjysëm me pensionin e plakës. Vajtëm në bashki dhe nuk na përfillën fare”
Për Elonën, nënën 35 vjeçare të fëmijëve, situata ka qenë e tillë qëkur ajo është martuar. Me lot në sy ajo pohon se çdo ditë duhet të luftoj për bukën e gojës dhe për arsimin e fëmijëve në një shtëpi të boshatisur dhe ku për të vegjlit ka pak shpresë.
“Që kur kam ardhur nuse unë kështu ka qenë”
Gjyshja, e pikëlluar nga dhimbja duket se ka harruar sëmundjet teksa sheh djalin dhe nipat të jetojnë në një shtëpi e cila për 4 vite s’ka pasur as drita.
“Jeta jonë është e vështirë. Fëmijët kanë mbetur pa shkollë” Të dy fëmijët, këtë periudhë nuk kanë mundësi të frekuentojnë mësimin online, edhe pse dëshirën e kanë të madhe Apeli i kryefamiljarëve shkon për tu siguruar një punë, e cila do të jetë jo vetëm shpresë për fëmijët, por dhe një shembull për ta.
