Këtë të shtunë, në studion e emisionit “Rudina” në Tv Klan, ka ndodhur diçka e paparitur, por edhe e bukur njëkohësisht.
Mësueses, Arbnora Fejza, i ka ardhur një email gjatë publicitetit, ku njoftohej se kishte marrë Guinness-in e katërt, për realizimin e flamurit kombtar shqiptar më të madh ndonjëherë.
Flamuri përbëhet prej 120 mijë letrave origami, secila në formë piramidale.
Rudina Magjistari: Dhe ndërkohë që Agimi në fakt u bë gati, i veshi bluzat e tij të cilat do duhet t’i heqë gjatë kohës që xhonglon topin brenda 1 minute, ju s’do ta besoni të dashur teleshikues, por pikërisht gjatë kohës së publicitetit Arbnorës i ka ardhur email-i nga Guinness, nga Londra. E pabesueshme, fantastike! Kjo studio ka energji të veçantë. Bravo Arbnora, bravo!
Arbnora Fejza: Më njoftojnë që ministri ka aprovuar, domethënë flamurin më të madh në botë.
Leonard Bombaj: Është certifikuar.
Rudina Magjistari: Është konfirmuar, është aprovuar dhe ti ke marrë Guinness-in e katërt sot. Urime, fantastike! /tvklan.al
