Dita ndërkombëtare e fëmijëve për një pjesë të vendeve të botës është 20 nëntori, ndërsa për vendet e dikurshme të bllokut lindor është 1 qershori. Fëmijët e të gjitha moshave kërkojnë që këtë ditë të jenë të lumtur dhe ta festojnë së bashku me prindër. Kjo ditë është kthyer jo vetëm në një ditë festive, por edhe në një ditë sensibilizimi, për ti thënë jo dhunës dhe abuzimit ndaj fëmijëve.
Është dita kur vetë fëmijët shprehen lirshëm për të thëne të drejtat e tyre dhe në ndryshim nga të rriturit, protesta e tyre realizohet nëpërmjet lojërave dhe festave.
Pas muajve të gjatë të një jetese të vështirë, pasojat e së cilës i ndjenë të parët fëmijët sepse pandemia iu ndrydhi edhe dëshirat bazike, u mblodhëm, me kopshtet publike të qytetit, për të gëzuar ditën e tyre. Më në fund një ditë e paqtë! Ishim shumë sot, me prindërit e gjyshërit, që festuam 1 qershorin, bashkë me gëzimin e fillimit të sezonit turistik! Gëzuar fëmijë, kudo të jeni thote kryetari i bashkise Dritan Leli !
Gëzojuni fëmijëve prindër sepse vetëm përkushtimi në gjërat e vogla që ndryshojnë përditshmërinë e tyre, do të vlejë!
