Skrapari, i njohur për rakinë e rrushit, jo vetëm në Shqipëri, por dhe jashtë vendit mblodhi sot qindra vizitorë në festën lokale “Skrapari n’gotë”, në një atmosferë festive, me panairin e prodhimit tw rakisë së re, produkteve bio, dhe gatimeve tradicionale
I pranishëm në festë, ministri i Mjedisit, Blendi Klosi theksoi se festat lokale, po bëhen një traditw që përsëritet falë suksesit dhe kërkesës së vetë komunitetit duke nxitur turizmin dhe promovuar ekonominë lokale.
Festa është gjithashtu një mundësi e artë për të promovuar Skraparin turistik me destinacionet si kanionet e Osumit, malin e Tomorrit por edhe shumë atraksione të tjera natyrore për të cilat ministri Klosi u bën thirrje vecanërisht turistëve vendas që ta vizitojnë zonën, të provojnë shijen e rakisë dhe mikpritjen e banorëve.
Ministri Klosi tha se do të vazhdojë promovimi i të gjitha vlerave dhe traditave që ka kjo zonë ndërsa siguroi mbështetjen për vijimin e festave lokale në të gjithë vendin, gjatë gjithë vitit.